شعر؛
زبانحال حضرت زینب (س) بر بالین حضرت فاطمه (س)
زبانحال حضرت زینب بر بالین حضرت فاطمه، اثر شاعر اهل بیت هشترودی، قهرمان شکری فرد را خواهید خواند.
به گزارش خبرنگار پیک هشترود، متن شعر ارسالی قهرمان شکریفرد بدین شرح است:
ای خزان اولموش بهاری خانسی ویران آنام وای
قلبیی یرقون سینه داغلی سینه سی سوزان آنام وای
گل وجودون سولدی گل تک درگهنده پرپر اولدی
زینبه تار اولدی عالم گلشنین گلذاری سولدی
سیندن اولدون یارالی اورگیم قانیله دولدی
محنت و رنجو جفادن اولمیان پایان آنام وای
بو فنالی روزگارین سن فناسندان یورولدون
دردی غمدن تنگه گلدون دل نواسندان یورولدون
ظالمین ظلمیندن اما هم جفاسندان یورولدون
دل شکسته قبره گدون دلده سن افغان آنام وای
روزگارین چرخی دونسین قلبیمه تزوردی یاره
زینبی غرق ایدی غمده اگنینه گیدردی قاره
دور منی ایتمه عزالی گوزلرون آچ بیردوباره
ای گدن قبره یارالی سینسی شانشان آنام وای
بوفنالی روزگارین زینبه یوخدی بفاسی
خرداسنینده ورلدی قلبینه دللر یاراسی
وار قاباقدا بیر بیوک غم کربلانین ماجراسی
او بلا دشتنده یالقوز زینبون گریان آنام وای
تک قالار زینب اوچولده کسیلر اوندا توانیم
اوردا سن داده گلرسن ای منم روحی روانیم
یارلی پهلو شکسته مادریم ای مهربانیم
زینبین قدین اگنده غصه و هجران آنام وای
اوندا گل او قوم کافر خیملر دورین آلاندا
بیکفن عطشان حسینون توپراق اوستنده قالاندا
زینبی یالقوزلق اوندا سینسین تنگه سالاندا
قان ایچنده غرق اولاندا، پیکری القان آنام وای
قهرمان شکری فرد
پایان پیام/م.ا
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
- نظراتی که به غیر از زبان فارسی یا غیر مرتبط با خبر باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : 0